Start噏兩句:點解香港出唔到個Elon Musk?
It's time to build, but we can't
時下嘅後生仔,見證政府腐敗,又經歷史無前例嘅經濟大停擺,「未來」已經變咗講嚟都嘥氣嘅話題。
從歷史看,每一次咁樣嘅經濟低谷,都會引發一股創業熱潮。
大部分今日變咗獨角獸嘅公司,例如Apple, Airbnb, Uber, WhatsApp等,都係喺經濟大衰退嘅時期創業嘅。
初生之犢不畏虎,即刻社會氣氛幾低沉,總有一班充滿熱誠,想以一己之力為行業,為社會帶嚟改變嘅年輕領袖出現。
2020年嘅香港,有咁多唔肯向現實低頭嘅年輕人,理應見到年輕創業家湧現,百家爭鳴嘅盛況㗎?
然而,呢個想像並冇實現。香港初創圈喺呢一年更係步入寒冬,表現強差人意,俾其他後起嘅初創城市趕過。
香港嘅創業風氣變成咁,係因為香港人唔知創業係點樣嘅一回事。呢個概念太虛,究竟創業係指係租…