AI唔止會搶你份工，仲會導致世界末日

上周五Neuralink透過喺三隻小豬上植入晶片，公開展示大腦電腦連接介面（BCI）嘅研究成果，引發熱烈討論。

許多報道都話，呢項技術嘅將來應用廣泛，可以醫治大腦相關疾病，又可以念力打字揸車，甚至進入仿如動畫刀劍神域（SAO）入面嘅虛擬現實（Virtual Reality）。

但對Elon嚟講，呢啲都只係枝節。 如果創立Tesla同SpaceX係為咗創造未來，Neuralink嘅成立原因只有一個 - 阻止人工智能導致嘅世界末日發生。